Lied an die Waldseer Fasnacht

Un des isch die Nummer Äns 

  • Musik: Palzlied / Anonyme Giddarischde
  • Text: Die Häffelgucker

 Strophe 1

Warscht Du noch em Elfte Elfte mol an Fasnacht in de Palz

Jeder wääß, do geht die Poscht ab – in Waldse jedenfalls

Ganz egal, ob in de Feschthall, odder dienschtags uff de Stroß

Jeder wäß es, bei de UNO do isch alle Johr was los

Refrain

Des wär alles nix besond’res, segscht Du, un Du mischt jetzt gä

Ann’re Mütter hän aa Dechter un a annerschtwu is’s schä

Sicher feiert ma a Fasnacht in Köln, Düsseldorf un Määäänz

Awwer Waldse isch halt Waldse – un halt die Nummer ääns

Strophe 2

Jeder Laie kennt jetzt froge, wu kummt dann sowas her

Warum geht des net wu annerscht, Fasnacht isch doch gar net schwer

Die Ursach isch glei g‘funne, mer hän g’scheite Leit debei

Wer an Fasnacht gern en Narr isch, derf im Lewe kenner sei.

Refrain

Des wär alles nix besond’res, segscht Du, un Du mischt jetzt gä

Ann’re Mütter hän aa Dechter un a annerschtwu is’s schä

Sicher feiert ma a Fasnacht in Köln, Düsseldorf un Määäänz

Awwer Waldse isch halt Waldse – un halt die Nummer ääns

Strophe 3

Viele gute Or’ginale hän des Narreschiff gebaut

Manche leise nur im Hinnergrund, die ann’re schrill un laut

Ob de Emil mit de Schigaar, ob de Klaus mit seine Kass

Ob de Ernscht mit seine Schrauwe, odder Fritze jedi Mass

Refrain

Des wär alles nix besond’res, segscht Du, un Du mischt jetzt gä

Ann’re Mütter hän aa Dechter un a annerschtwu is’s schä

Sicher feiert ma a Fasnacht in Köln, Düsseldorf un Määäänz

Awwer Waldse isch halt Waldse – un halt die Nummer ääns

Awwer Waldse isch halt Waldse – un halt die Nummer ääns


Dem ist nichts hinzuzufügen………………… !

Share